Inersimasutut psykologimik oqaloqateqarnissat kissaatigigukku, immaqa eqqarsaatigeqqaarnikuuat immaqalu ajornartorsiutitit maannakkut iliuuseqarfigiumallugit malugisimalerlugu. Pissutsit atukkavut pillugit ilisimasaqarnerulerusunnerput, ajornartorsiutilluunniit nammineq qanoq aaqqissinnaanerlugit sapernartitatta qanoq aaqqinneqarsinnaanerat pillugu paasisaqarnerorusunnerput pissusissamisoorpoq.

Illit suliarissallugu pisariaqarteqqissaakkat ilinnut paasiuminartunngorlugu oqaloqatigiittarnitsinni suliarinissaa uannut pingaaruteqarpoq.

Oqaloqateqartarnermut akileeriaatsit arlaliupput. Suliffeqarfiit ilaasa psykologimik oqaloqateqarnerit akilertarpaat, sillimmateqaruillu psykologimik oqaloqateqarnermut tapiisartunik, sillimativit oqaloqatiginninnerit ilaaluunniit akilersinnaassavai. Oqaloqatigiinnerit nammineq akilernissai soorunami aamma periarfissaavoq, aningaasartuutaavormi pitsaasoq, tassami sivisuumik tarnikkut tatineqarneq, uagut inuttut ilaannikkut misigisartagarput, iluamik iliuuseqarfiginngikkutsigu kingunerlutsitsisinnaavoq.

Meeqqat 15-it inorlugit ukiullit psykologimik oqaloqateqartinneqarusuppata, tarnikkut anniaatinik aaqqiiniarnermik aallartitsinermut angajoqqaat isumassuisuisulluunniit akuerseqqaarnissaat piumasaraara.

Meeqqamik inuusuttumilluunniit oqaloqateqarnermi siullermi angajoqqaat isumassuisulluunniit tamarmik peqataanissaat pitsaanerpaassaaq. Soorunami ajornartorsiut suunersoq apeqqutaasarpoq, tamannalu eqqarsaatigineqartariaqarpoq.

Oqaloqatigiinnerup aallartinnginnerani meeqqamut inuusuttumulluunniit tunngasunik pingaarutilinnik paasissutissiisoqarsinnaavoq, pisariaqarsorineqarpata oqaloqatigiikkumaarnissamullu attuumassuteqarpata (assersuutigalugu MISI-mi meeqqanut inuusuttunullu tarnip pissusaanik immikkut ilisimasalimmit misissuinerit, nakorsaatitigut katsorsarneqarnerit, meeqqap inuusuttulluunniit maannakkut atugaanut tunngasut pingaarutillit).

Onlinekkut katsorsartinneq ataasiakkaatut oqaloqateqarnermit allaanerungaanngilaq, illit ajornartorsiutitillu ukkataralugit sulissagatta.

Onlinekkut katsorsartinneq ungasissuseq pillugu ilaannikkut pisariaqartarpoq, ilaalumi onlinekkut katsorsartikkusunnerusarput, assersuutigalugu illit katsorsakkatut, uangalu psykologitut, illoqarfeqatigiinnginnatta. Nalunngilara katsorsakkat ilaasa tamanna piumanerusaraat, assersuutigalugu psykologerisaq illoqarfimmi naaperiasaannginnerussagamikku.

Onlinekkut katsorsartinneq ilaasa aamma piumanerusarpaat, angerlarsimaffimmi imaluunniit suliffigisami assingusumiluunniit oqaloqateqarniassagamik.

Onlinekkut oqaloqateqassatillunga inimi kisimiinnissannik oqarfigissallutit uannut pingaaruteqarpoq. Inip iluani suli tatigeqatigiissinnaassaagut.

Assersuutigisinnaavara (Eqqaasinnaavara) illoqarfinnit allanit soorlu Nuummiittunik, avannaaniittunik, kujataaneersut, allaallumi Danmark-imiittut oqaloqatigisinnaavakka, sumiiffik apeequtaanngilaq.

Aappariinnik oqaloqateqarneq ilinnut inooqatinnullu/aappannullu oqaasinnguinissamik, oqallinnissamik immaqalu ajornartorsiutinik aaqqiinissamik pisariaqartitsisunoorpoq, imminut paaseqatigiinnerunissaq kissaatigisallu paasisinnaanerujumallugit. Aappariittut oqaloqateqartarnissamut marluullusi aalajangeeqatigiissimanissarsi uani pingaaruteqarpoq, aappariittullu oqaloqatigiinnginnermi immikkut oqaloqatiginissarsi pingaartippara. Aappariittut oqaloqatigiinnissamut tamassi immikkut kissaatisi paasisinnaanerujumallugit taamaaliussaanga.